Potgooi – Treffers van Toeka tot nou – no.168

Treffers van Toeka tot nou no. 168

Woensdae uitgesaai deur Ludwig om 4nm.

Luister weer…

 

Speellys van hierdie program:

The Hollies – All I need is the air that I breathe –
Bruno Mars – Just the way you are
Gerard Joling… – No more Boleros
Percy Sledge – When a man loves a woman.
Vicky Leandros – WHEN BOUZOUKIS PLAYED
Smokie … Mexican Girl
Wanda Arletti – Zanzibar
Die Bellamy Brothers …. Standing in the cross-fire.
Johnny cash – Ghost riders in the sky
Die Pet Shop Boys – Go West…
The Seekers – The Carnival is over…
Chandler – Vera Lynn – The holy city –
Judy Collins – Both sides now
Engelbert Humperdinck… The last waltz
Boney M – We kill the world.
The Kinks sing vir ons…– Lola….
Carro Emerald…. Doctor Wanna do
Céline Dion sing… It’s All Coming Back To Me Now
Die Vengaboys … My Uncle John from Jamaica.
Dozi – Ou Ryperd
Middle of the Road – O Soley Soley
Marie Osmond – “Paper Roses”
Mary Hopkin – Goodbye.
Luv – Trojan Horse
Virginia Lee – Darling it’s wonderful
Albert Hammond – Peacemaker…
The Poppy Family – Which Way You Going Billy
Guy Mitchell – Heartaches by the number –

Bully Beef Spaghetti Skottel

Bully Beef Spaghetti Skottel

Bestanddele

500 ml spaghetti, gaar en gedreineer

1 blik pitmielies

1 blik bully beef, fyngemaak

1 groot tamatie, geskil en fyngekap

1 ui, fyngekap

25 ml pietersielie

1 green pepper, gekap

sout en gemaalde swartpeper

2 eiers, geklits in 125 ml melk

 

Metode

Meng alles deurmekaar.

Gooi in oondvaste bak en rasper so 200 gr kaas bo-oor.

Bak vir ongeveer 1 uur teen 180 grade C tot gaar en goudbruin.

 

Suurlemoen Pasta

Bestanddele:

  • 1 Pak Gaar Spaghetti
  • 2 Pakkies Diced Bacon Bits
  • 2 Pakkies Woolworths Garlic/Chilli/Ginger bakkies
  • 1 Gesnyde Green Pepper & Red Pepper
  • 20ml Olie
  • Vars Gesnipperde Parsley
  • Suurlemoen Sap
  • Aromat

Metode:

  1. Gooi olie in pan om bacon in te braai.
  2. Net voor bacon heeltemal gaar is voeg al die garlic en chilli (mense wat nie gereg te warm wil he nie moet maar self kies hoeveel chilli hulle wil byvoeg na gelang van smaak) by en laat dit n rukkie saam braai.
  3. (Die gemmer is ongelukkig een van daai afdelings wat jy maar gaan moet laat staan vir n ander gereg. Woolworths se bakkies het presies die regte porsies in wat benodig is. Let asb daarop dat dit een bakkie is met 4 afdelings)
  4. Al die geure trek in die olie in wat dan help met die geuring van die pasta
  5. Voeg dan gesnyde peppers by en roer goed deur terwyl dit braai
  6. Voor jy dit afhaal kan jy die gesnipperde parsley byvoeg en goed meng
  7. Gooi alles bo oor spaghetti en roer goed deur
  8. n Bietjie suurlemoensap en aromat kan oor by gevoeg word
  9. Sit in bakkies voor vir gaste saam met aparte suurlemoensap en aromat sodat hulle kan byvoeg volgens smaak
  10. TIP: Dit is juis die smaak van suurlemoensap, aromat en chilli kombinasie wat dit uniek maak

Franse dokters waarsku – hospitale oorlopens vol

Dokters in Parys het ernstig gewaarsku dat die Franse hoofstad se hospitale besig is om oorvol te raak en daar is geen aanduiding dat die nuwe infeksies aan die afneem is nie.

Die geneeshere sê die toestand is bereik dat hulle nie meer behoorlik aandag aan al die koronavirus pasiënte kan gee nie en dat versterkings uiters noodsaaklik is.

Hulle sê die fokus het verskuif na die koronavirus infeksie pasiënte, en die ander wat ewe noodsaaklike aandag moet kry, word nie na behore gedoen nie.

Dokters en verpleegpersoneel word verplig om nou te kyk na die pasiënte wat hulle aandag die dringendste nodig het, wat ʼn ongesonde toestand is, en vra dat die owerheid maatreëls moet tref om meer gesondheidsdiens werkers vir Parys beskikbaar moet stel.

Die dokters is ook ontevrede omdat president Emanuel Macron weier om strenger inperkings maatreëls in te stel ten einde die aantal nuwe infeksies te beperk.

Die Bron: Die Vryburger

 

Sjina wil Afrika inpalm

Oral in Afrika state is Sjinese teenwoordigheid waarneembaar. Dit is kommerwekkend, maar in geen Afrika staat is Sjinese teenwoordigheid meer sigbaar, en meer opvallend, as in Zambië nie.

Gedurende 2020 het Sjina se belegging in Zambië die grootste gewees van alle ander investerings wat die kommunistiese Sjina gemaak het.

Die bande tussen Sjina en Zambië is besonder sterk, en het met die jare verder versterk, en vandag oorheers Sjina byna die staat, want met sy 35% teenwoordigheid van Nasionale skuld, is die greep sodanig dat die regering nie daaruit gaan los kom nie, sê finansiële deskundiges.

Sjinese beheer feitlik die kleinhandel, en groot investering in die landbou word waargeneem, wat daarop dui dat die land geleidelik Sjinese besit geword het.

Daar is ʼn minderheid Zambiese inwoners wat na die tendens verwys as die “nuwe kolonialisme” wat Afrika nou tref.

Die Bron: Die Vryburger

 

Meksiko sterftes veel hoër as statistiek

Die sterftes aan koronavirus infeksie in Meksiko is veel meer as wat aanvanklik in die land se statistieke opgegee is, en het met 60% gestyg toe die korrekte syfers verwerk is.

Die sterftes staan nou op meer as 321,000 gevalle, wat 60% meer is as wat aanvanklik deur die statistiekdiens bekend gemaak is.

Die nuwe gegewens is bykans net so hoog as Meksiko se buurstaat Brasilië, waar die dodetal ook baie hoog gestyg het.

Die regering van Meksiko was van mening dat die dodetal net meer as 201,000 is, en die jongste gegewens het die land soos ʼn skokgolf getref, en kenners reken die verkeerde gegewens kom omdat die land nie veel doen om mense te toets nie.

Die Bron: Die Vryburger

 

Covid entstof navorsing se positiewe kant

Wetenskaplikes en navorsers beweer dat die ontwikkeling van ʼn entstof teen die Covid-19 koronavirus, het positiewe gevolge vir die navorsing om ʼn entstof te ontwikkel teen HIV virus wat Vigs veroorsaak.

Die navorsers regoor die wêreld, sê die toetse is reeds onderweg, meer die werk om ʼn entstof te ontwikkel teen die HIV virus, gaan onverpoosd voort en Serawit Bruck-Landais, die direkteur van navorsing by Sidaction(Franse welsyn organisasie) sê die navorsing wat gedoen is om uiteindelik ʼn doeltreffende middel teen die koronavirus te vind, is ten nouste verbind aan navorsing vir die daarstelling van ʼn entstof teen HIV.

Alhoewel navorsing vir die ontwikkeling van ʼn entstof teen HIV tydens die afgelope jaar byna tot stilstand gekom het weens die koronavirus pandemie, het dit positiewe reaksie ontlok by wetenskaplikes wat nou met die kennis oor die koronavirus, nuwe metodes van navorsing gaan ontwikkel.

Die Bron: Die Vryburger

ANC in verdeeldheid oor Ace

Die besprekingsdokument van die ANC wat handel oor die toekoms van die Sekretaris-Generaal, Ace Magashule, asook ander lede wat kriminele vervolging in die gesig staar, het die verdeeldheid in die party verder verdiep.

Die verdeeldheid oor Magashule is gegrond op die veronderstelling dat hy oortredings begaan het as premier van die Vrystaat, en nou sy pos moet ontruim, maar die Zuma-faksie staan dit teen, wat die verdeeldheid verder veroorsaak en kan lei tot afsplintering.

Die erns van die saak is juis omdat die Nasionale Uitvoerende Komitee nie eenstemmig is nie, en derhalwe word die buitestaanders byna moreel verplig om kant te kies, wat ʼn “onoorkomelike situasie van verdeeldheid” verhoog.

Ingeligte bronne beweer dat die spanning Sondag namiddag by breekpunt was, en toe verskillende menings geuiter is oor die ANC se Integriteit Komitee se verslag dat Magashule moet terugstaan sodat iemand anders as sekretaris-generaal aangewys kan word, kon die verdeeldheid nie meer verder verhoog nie.

Met die groot verdeeldheid wat bestaan, kon geen finale beslissing gemaak word nie, wat waarskynlik ook die onderlinge “steunwerwing” vir of teen die Zuma faksie gaan laat toeneem.

Meningsvormers reken die uitkoms van die besluite in die Nasionale Uitvoerende Komitee gaan uiteindelik bepaal wie van die ANC die regering sal vorm.

Die Bron: Die Vryburger

 

Terrorisme eersdaags in SA

Die gebeure in die buurstaat Mosambiek waar Suid-Afrikaners moes vlug vir hulle lewens en een met sy lewe betaal het toe die Islamitiese Staat terroriste ʼn aanval uitgevoer het op die hotel waar hulle teenwoordig was, bring die terreur groep weereens nader aan SA.

Kort na die aanval uitgevoer is, het berigte die media bereik dat sowat 12 Suid-Afrikaners by die terroriste groep aangesluit het.

Militêre deskundiges sê dit is die eerste stap waar die Islamitiese Staat, met behulp van die nuwe lede, aanvalle op plase in Suid-Afrika gaan verhoog tot ʼn situasie waar dit onhoudbaar word.

Dit sal nie net mense lewens op plase verder bedreig nie, maar gaan ook ʼn nadelige invloed uitoefen op voedsel sekerheid.

Kommer bestaan ook daarin dat die terroriste groep militêr goed opgelei is, terwyl die SA Weermag se kundigheid om oorlog te voer teen terroriste bewegings uiters beperk is.

Die Vryburger het vier jaar gelede reeds gewaarsku dat hierdie tendens die land se volgende bedreiging gaan word, maar tot hede het die owerheid weinig gedoen om groter paraatheid te vestig in sy veiligheidsmagte.

Die Bron: Die Vryburger