Ons stel bekend die boeke van die fenominale skrywer Louis Rautenbach – bestel nou as geskenk vir jouself of ‘n geliefde en kry R20 afslag per boek
Klik hier om te bestel
Oorsprong van Smarte
Louis Rautenbach
Hierdie boeiende versameling van kortverhale in roman-styl gee ‘n blik op die ou bekende Bybelse verhale waar die emosies van karakters ingevoeg is om ‘n onvergeetlike reis deur die antieke tye mee te maak. Hierdie boek is op aanvraag na Engels vertaal en is ook onder die titel Origin of Sorrows beskikbaar.
Klik hier om te bestel
Spieëlsplinters
Louis Rautenbach
Hierdie roman is in die eerste persoon beskryf en beskryf op besonderse wyse watter impak verkeerde besluite op menselewens kan hê. Die verhaal is vol intriges en gee op subtiele wyse ook bietjie lering oor spesifieke vraagstukke. Dit is ʼn goeie oorgangsboek wat by beide die tiener as die volwasse leser aanklank vind. Dit speel af in ʼn tyd van 1965 tot 1980 en neem die leser onder andere saam op ‘n pret rit die tyd sonder selfone en motor radio’s waar reistyd met familiekonsert verkort is.
Klik hier om te bestel
Soveel Jare
Louis Rautenbach
‘n Roman oor die lewe van ʼn aanneem baba wat eers op 30-jarige ouderdom van sy oorsprong uitvind. Maak ‘n reis mee oor landsgrense wat van 1920 in Duitsland begin, via Londen VK en Namibië vir ‘n tyd in Durban vertoef, wat dan verder reis na Swaziland en later, in 1980, in Newcastle eindig. Hierdie lekkerlees boek is vol intriges en verrassende wendings en spreek baie emosies aan.
Klik hier om te bestel
My Vriend, My Broer
Louis Rautenbach
Hierdie wonderlike roman vertel die verhaal van die besonderse vriendskap tussen Dawid en Jonatan – die een ʼn prins van geboorte en die ander ʼn prins aangetroud. Hierdie roman neem die leser op ʼn visuele reis van verwerping, valse beskuldigings, depressie maar ook die oorwinning tot die grootste en mees dinamiese leier en politikus van alle tye. Hierdie besonderse verhaal leer gee lering op subtiele wyse en demonstreer die liefde van God vir Sy skepping.
Klik hier om te bestel
Sy Lewe vir Sy Liggaam
Louis Rautenbach
Hierdie besonderse roman is gebaseer op die Nuwe Testamentiese boek van Handelinge. Dit neem die leser op besonderse reis deur antieke Jerusalem en beskryf met baie emosie die ontstaan, uitdagings en oorwinning, maar ook die skaking van die kerk van Christus waarvoor Hy Sy lewe afgelê het. Profesieë word op maklike wyse in roman styl beskryf, asook die emosies na die kruisiging, die opstanding, en hou die briewe van Paulus op oorspronklike wyse voor. Die wrede moorde op die apostels en dissipels word ook liggies aangeraak.
Klik hier om te bestel
Die Bodemlose Kruik
Louis Rautenbach
Hierdie boek neem die verhale van Oorsprong van Smarte verder en handel hoofsaaklik in roman styl met elke profeet, asook die emosionele uitdagings van elke karakter. Hierdie boek gee verrassende lering op besonders vriendelike wyse.
Klik hier om te bestel
Skaduwees
Louis Rautenbach
Hierdie roman handel oor die geheimenisse van die geesteswêreld met verskynsels soos voorbodes en waar paaie kruis met demone maar ook interaksie met engele en voorgevoelens op emosionele wyse aanspreek. Afhangende van hoe die leser dit wil ervaar kan dit ‘n bangmaker of leersame verhaal wees. ‘n Baie gewilde leesboek wat liefs nie saans alleen gelees moet word nie.
Klik hier om te bestel
Die Son Kom Op
Louis Rautenbach
Hierdie besonderse roman handel oor ‘n gesin wat uitdagings soos uiterste onverdraagsaamheid, liefdeloosheid en verwerping die hoof moet bied. Elke hoofstuk handel oor ‘n besonderse gevallestudie wat in roman styl oorgedra word en besonderse reaksie ontlok. Dit is op publieke aanvraag ook na Engels vertaal en beskikbaar as Dawn Has Broken.
Klik hier om te bestel
Goeie Nuus Louis se Nuutste boek gaan in druk – LIEFDE TUSSEN DIE STERRE
Hierdie boek is deur ʼn besonderse vrou, ʼn talentvolle en hardwerkende omroeper, vertaler en kritikus, Corrie Slabbert, geïnspireer en word derhalwe met groot respek en in liefde aan haar opgedra.
PROLOOG
Die opdrag het deur die onbeperkte ruimtes geklink: ‘Laat daar lig wees!’ Daarna het baie dinge gebeur.
Nogtans, met hierdie enkele onderwerp kan ons elkeen ons verbeelding die vrye teuels gee!
Hierdie Wetenskapsfiksie-liefdesverhaal tussen Egon van Kreta en Riana van Rustenburg, wat tussen die planete ontstaan en op Kreta tot volheid ontvou, bereik wasdom hoog tussen die sterre. Die verhaal neem die leser op ʼn unieke reis deur die onbekende, uitgestrekte ruimtes waar die verborgene onbelemmerd lê en wag om elke leser wat hierdie besonderse liefdesreis meemaak, mee te voer.
Ek wou altyd graag dink dat ons die enigste lewende wesens op die eensame planeet in die uitgestrekte, onbeperkte ruimtes moet wees, en het redeneer dat ons dit in die Woord sou lees indien dit anders was.
Nadat my eng denke hieroor deur Corrie Slabbert se radioprogram ‘Tussen die sterre’ geprikkel is en sy my entoesiasme met verskeie vrae aangewakker het, was ek kort voor lank geïnspireer om ʼn vakgebied, astrologie, wetenskap en die hemelruim, iets waarin ek nooit voorheen soveel in regtig belang gestel het nie, te ondersoek. Tot my verbasing was ek baie vinnig oorweldig deur die wonderwêreld van die buitenste ruimte nadat ek navorsing daaroor begin doen het.
Hiermee saam het die ou liefdesverhaal van die reeds vergete vrou wat deur Egon na sy verafgeleë planeet ontvoer is, in sy eie storie in hierdie boek ontvou.
Hierdie verhaal beloof om die leser op ʼn ongekende avontuur wat oor miljoene kilometers strek, te neem en ʼn wonderwêreld van liefde en van ʼn besonderse sprokieswêreld tot anderkant die sterre, wat tot dusver nog net deur die Hubble teleskoop se reise bereik kon word, te neem.
Geniet hierdie unieke, verruklike reis van Egon en sy geliefde Riana saam met die skrywer.
Hierdie boek is ʼn ‘moet lees’ vir elke boekwurm, oud en jonk.
Voltooi die onderstaande vorm om te bestel
